Hayung tabuk yaphani bising hwnwi mano. Dakti donai internet ni molo koktwma bwlaini simi chengwi television jotorogo no tabuk phone screeno jephru nango aphruno mano. Abagwi jorabai gwdalwi kubui koktwma no tubunani chaitokha Jorani khorang. Wngwi mano hachuk hapharbai kuplung o hasteni koktwma bwlaini hayungo Jorani khorang kwtal phiyaba haktorni bwskango kiriya khe tei kubui koktwmano norokni bwskango tubunano chini samung. Baithangni hamna chanani bagwi koktwma banokmano chwng hamjakya. Kunu bodolni bwkhak thangyaowi lukurokni thani soi soi koktwma norokni bwskango tubunano chini naharmung. Busulwngni lamao kubuino twioi himthani hasteni kaham wansuknai lukurok molbrumno Jorani khorangni samo tongnai hwnwi khatungmung narwgo